सुरससुबोधा विश्वमनोज्ञा

[audio src='https://sanskrit.today/wp-content/uploads/2019/09/सुरससुबोधा-विश्वमनोज्ञा.ogg'][/audio]

सुरससुबोधा विश्वमनोज्ञा

ललिता हृद्या रमणीया।

अमृतवाणी संस्कृतभाषा

नैव क्लिष्टा न च कठिना

नैव क्लिष्टा न च कठिना।।ध्रु।।

कविकोकिल-वाल्मीकि-विरचिता

रामायणरमणीय कथा।

अतीव-सरला मधुरमंजुला

नैव क्लिष्टा न च कठिना।।१।।

व्यासविरचिता गणेशलिखिता

महाभारते पुण्यकथा।

कौरव - पाण्डव -संगरमथिता

नैव क्लिष्टा न च कठिना।।२।।

कुरूक्षेत्र-समरांगण - गीता
विश्ववन्दिता भगवद्‌गीता
अमृतमधुरा कर्मदीपिका
नैव क्लिष्टा न च कठिना।।३।।

कविकुलगुरू - नव - रसोन्मेषजा

ऋतु - रघु - कुमार - कविता।

विक्रम-शाकुन्तल- मालविका

नैव क्लिष्टा न च कठिना।।४।।