सरला सुलभा संस्कृतभाषा

[audio src='https://sanskrit.today/wp-content/uploads/2019/09/सरला-सुलभा-संस्कृतभाषा.mp3'][/audio]

सरला सुलभा संस्कृतभाषा

सुन्दरभाषा सुरभाषा ।

देवभाषा वेदभाषा

मुनिगणकविजनप्रियभाषा ।।

।।सरला सुलभा ………..।।

युवयुवतीनां भाषा ह्येषा

विदुषां भाषा दिव्यभाषा ।

वेदवेदान्तविचारयुक्ता

ऋषिभिः सततं सुषेविता ।।

।।सरला सुलभा ………..।।

कविजनकृतिभिस्तुष्टा एषा

बुधजनशास्त्रैः सुसेविता ।

ज्ञानविज्ञानैः पूर्णा भाषा

संस्कृतिरनया सुरक्षिता ।।

।।सरला सुलभा ………..।।

वे. नरसिंहय्यः, बेङ्गलुरु (कर्णा.)

--- स्वरः - गोपालकृष्णमिश्रः