पाठयेम संस्कृतं जगति सर्वमानवान्

[audio src='https://sanskrit.today/wp-content/uploads/2019/09/पाठयेम-संस्कृतं.ogg'][/audio]

पाठयेम संस्कृतं जगति सर्वमानवान्

प्रापयेम भारतं सपदि परमवैभवम् ॥

व्यक्तियोजकत्वमेव नायकत्वलक्षणम्

धर्मसेवकत्वमेव शास्त्रतत्त्वचिन्तनम्

स्नेहशक्तिशीलशौर्यदेशभक्तिभूषितम्

साधयेम शीघ्रमेव कार्यकर्तृमण्डलम् ॥

हिन्दुबन्धुमेलनेन सर्वदोषनाशकम्

उच्चनीचजातिराज्यभेदभाववारणं

सामरस्यरक्षणेन शान्तिपूर्णजीवनं

कालयोग्यमेतदेव मोक्षदायिदर्शनम् ॥

जीवनस्य कार्यमेव राष्ट्रकर्मसाधना

सङ्घशक्तिवर्धनाय दिव्यभव्ययोजना

व्यक्तिरस्तु वर्तिकेति मामकीनभावना

साधितास्तु माधवस्य विश्वविजयकामना ॥